خاص | تعليق ناري من مرتضى منصور على استقالة العماري
26 اكتوبر 2016 الساعة 2:49 مساء
سارة عبد الباقي
اعرب مرتضى منصور رئيس نادي الزمالك عن رضائه التام لقرار استقالة العضو مصطفى العماري من مجلس ادارة النادي اليوم.
وكان مصطفى سيف العماري اعلن استقالته اليوم من مجلس الزمالك اعتراضاً على ما وصفه بتمثل الاغلبية في شخص رئيس النادي.
وقال رئيس الزمالك: استقالة مصطفى سيف مقبولة بالاجماع.. واتمنى انه يتمسك بموقفه وميتراجعش عنه وهو عمل الخطوة دى عشان عارف انه مجمد من اجتماع المجلس اللى فات وكان هيشطب ونفس الامر بالنسبة لابوه هيتحول للتحقيق بسبب اهانته لاعضاء المجلس كلهم عن طريق اتصالاته لهم.
وتابع: قبل كدة كان بينزل انتخابات ومش بينجح اللى نجحه انه موجود فى قائمتى.
وأوضح قائلاً: الزمالك هو النادى الوحيد اللى عنده رقابة ادارية فى النادى وخضع للتفتيش من قبل الجهاز المركزى للمحاسبات، وانا لو عملت جمعية عمومية بكرة هيجيلى 50 الف عشان الناس عارفة انا عملت ايه للنادى والجمهور والاعضاء واثقين فيا.
وأضاف: مش عايز افكر فى الامور الصغيرة دى بداية الدورى تعتبر بكرة وهو قبل اى ماتش مهم لازم يعمل القلق ده بس كل ده مش هيأثر فينا عايزين نركز فى فريقنا.
وحول أزمته مع لجنة الحكام، قال رئيس الزمالك: مفيش اى اعتراض على الحكم ابراهيم نور الدين معندناش مشكلة معاه والامور انتهت وكل الثقة فى رضا البلتاجى رئيس لجنة الحكام.
وأتم: الناس كلها شافت انا عملت ايه عشان جمهور الزمالك يدخل الماتش اللى فات لدرجة اننى هددت بعدم لعب المباراة.. مفيش اى مشكلة حصلت مع رجال الامن او فلكون بسبب متابعتى لكل شئ خاص بالجمهور او الصحفين او اى حد.. وده جاء نتيجته النهاردة وكل العالم بيتكلم عن جمهور الزمالك.
إعلان قائمة سيدات الزمالك المشاركة في بطولة أفريقيا للكرة الطائرة أعلن الجهاز الفني للفريق الأول لكرة الطائرة بنادي الزمالك "سيدات"، عن القائمة المشاركة في بطولة أفريقيا للأندية، والمقرر إقامتها على صالة النادي الأهلي، خلال الفترة من 26 أبريل
سارة عبد الباقي ألقى البرتغالي جوزيه جوميز المدير الفني للفريق الأول لكرة القدم بنادي الزمالك، محاضرة فنية خاصة على اللاعبين ظهر اليوم بفندق الإقامة في مدينة كوماسي العانية، استعداداً لمواجهة دريمز الغاني في إياب الدور نصف النهائي لبطولة الكونفدرالية الأفريقية
سارة عبد الباقي قال أحمد سليمان عضو مجلس إدارة نادي الزمالك والمشرف على فريق الكرة إن الإدارة وفرت كل الإمكانيات للفريق قبل مواجهة دريمز الغاني في إياب الدور نصف النهائي لبطولة كأس الكونفدرالية الأفريقية. وتابع سليمان قائلاً:" لدينا ثقة في جميع اللاعبين، والفريق جاهز
صن دوانز يستدرج الترجى التونسي يسعي فريق الترجي التونسي إلي خطف بطاقة التأهل إلى نهائي دوري أبطال أفريقيا عندما يحل ضيفا ثقيلا علي نظيره صن دوانز الجنوب أفريقي ، مساء اليوم الجمعة في إطار إياب دور نصف نهائي دوري الأبطال للموسم الحالي 2023-24.
